ಪ್ರಸ್ತುತ ಸಾಮಾಜಿಕ ಬದುಕಿನಲ್ಲಿ ಅತ್ಯಂತ ಬಿಜಿಯಾಗಿರುವ, ಬಿಡುವಿಲ್ಲದ ವ್ಯಕ್ತಿಗಳು ಯಾರು ಎಂಬ ಪ್ರಶ್ನೆಗೆ ನಿಮ್ಮ ಉತ್ತರ ಐಟಿಬಿಟಿ ಕೆಲಸಗಾರರು, ತಂತ್ರಜ್ಞಾನಿಗಳು, ಸಾಫ್ಟವೇರ್ ಹಾರ್ಡವೇರ್ ನವರು ಇತ್ಯಾದಿ ಕೆಲಸಗಾರರೆಂದು ಹೇಳಿದರೆ ನನ್ನ ಪ್ರಕಾರ ಅದು ತಪ್ಪು ಉತ್ತರವಾಗಿದೆ. ಯಾಕೆ ಹೀಗೆ ನನಗೆ ಅನಿಸಿತು ಎಂದರೆ, ನನ್ನ ಪ್ರಕಾರ ಈ ಸಮಾಜದಲ್ಲಿ ಬಿಡುವಿಲ್ಲದ ವ್ಯಕ್ತಿಗಳೆಂದರೆ ನಮ್ಮ “ಮಕ್ಕಳು” ಹೌದು ನಮ್ಮ ಸುತ್ತಮುತ್ತಲಿನ ಶಾಲೆ ಕಲಿಯುವ ಚಿಕ್ಕ ಚಿಕ್ಕ ಮಕ್ಕಳನ್ನು ಒಮ್ಮೆ ಗಮನಿಸಿ, ಅವರೆಷ್ಟು ಒತ್ತಡದ ಜೀವನ ಸಾಗಿಸುತ್ತಿದ್ದಾರೆ, ಅದರ ಜೊತೆಗೆ ತಮ್ಮೊಳಗಿನ ನೋವು ಯಾರಿಗೂ ಹೇಳಿಕೊಳ್ಳದೇ ಸಾಗಿಸುತ್ತಿದ್ದಾರೆ. ನೀವು ನಿಜವಾದ ಜೀವಂತ ದೇವರುಗಳನ್ನು ನೋಡಬೇಕೆಂದರೆ ನಿಮ್ಮ ನಿಮ್ಮ ಮಕ್ಕಳನ್ನು ನೋಡಿ. ನಿಜ ಪ್ರತ್ಯಕ್ಷ ದೇವರುಗಳು ಎಂದರೆ ಮಕ್ಕಳೇ. ನನ್ನ ಅನುಭವದ ಪ್ರಕಾರ ಹೊಸದಾಗಿ ರೂಪುಗೊಂಡಿರುವ ಮುಗ್ಧ ಸ್ವರೂಪದ ಪುಟ್ಟ ಚೇತನಾ ಶಕ್ತಿಗಳು. ಎಷ್ಟು ಶುದ್ಧವಾದ ಮನಸ್ಸು ಸ್ವಲ್ಪವೂ ಕಲ್ಮಷ ಇಲ್ಲದ, ಚೂರೂ ಕೆಟ್ಟಬುದ್ಧಿ ಇಲ್ಲದ, ಅನಂತದಿಂದ ಆಗತಾನೇ ಇಳಿದುಬಂದ ಜೀವಗಳು. ನಮ್ಮ ಸುತ್ತಮುತ್ತಲಿನ ಮಕ್ಕಳೆಲ್ಲರೂ ಅದ್ಭುತವಾಗಿ ಹೆಣೆದಂತಹ ಹಗುರವಾದ ನೂಲಿನ ಬಟ್ಟೆಗಳಂತೆ. ಮುಗ್ಧತೆಯ ತಾಣಗಳಿದ್ದಂತೆ. ನೇರ ನಡೆ ನುಡಿ, ಕಂಡದ್ದನ್ನು ಕಂಡಂತೆ ಹೇಳುವುದು, ತೊದಲು ನುಡಿ, ಏನು ಮಾಡಿದರೆ ಏನಾಗುವುದು ಎಂಬ ಅರಿವೇ ಇಲ್ಲದ, ಇನ್ನೊಬ್ಬರು ಹೇಳುವುದನ್ನು ಕೇಳಿ ನಕಲು ಮಾಡುವ, ಮತ್ತೆ-ಮತ್ತೆ ಕೇಳಿದ ಪ್ರಶ್ನೆಗಳನ್ನೇ ಕೇಳುವ, ನಿಂತಕಡೆ ನಿಲ್ಲದ ಅದ್ಭುತ ಜೀವಗಳು. ಇವರು ಈ ಸಮಾಜದ ಸಂಪೂರ್ಣ ವ್ಯಕ್ತಿಗಳು ಎಂಬುವುದು ಹಗಲ ಸೂರ್ಯನಷ್ಟೆ ಸತ್ಯವಾಗಿದೆ.
0 Comments
|
ಇಲ್ಲಿಯವರೆಗೆ...
October 2023
"
|